Awaam Ki Awaaz…

Awaam Ki Awaaz…

Roshan tha joh mulk khushion se kabhi aaj aag se roshan hai
Saare mulk mein chaaya hua jaise maut ka mausam hai

Roshnion ka sheher Karachi aaj khoon mein dooba hai
Unki behes aaj bhi saraiki sooba hai

Siyasat ab bhi zoron se chalrahi hain
Laashon par khade hokar taqreerein chalrahi hain

Altaf bhi chup, Nawaz bhi chup, Asfandyar toh ghayab hee hogaya
Zardari toh mulk ke hee ghair mulki dauray par kaheen khogaya

Gunaah hain inke lekin soolhi par aam aadmi charhe
Inko farq tab pade jab inki jawaan aulaad target killing mein maray

PPP ho, PML ho, ANP ho, ya MQM ho, sab hee ek hain
Election ke baad shaitaan par election ke time par naik hain

Mujhse kehtay hain tareefein likho mulk ki, buraayi na bataao
Kis cheez ki likhoon tareef aakhir yeh bhi toh bataao

Tareef likhoon khoon ki, laashon ki, ya maaon ki ujadti godon ki?
Tareef likhoon bomb dhamaakon ki, ya karvaanay waalon ke ohdon ki?

Tareef likhoon bevaaon ke ansooon ki  ya yateemon ke dukhon ki?
Tareef likhoon bhook se marnay waale ke phatay kafan ki ya roti cheennay waale ke sukhon ki?

Tareef likhoon bheek maangtay bacchon ki ya berozgaar naujawaanon ki?
Ya likhoon tareef aiwaanon mein Mercedes se aanay waale beimaanon ki?

Darindon ko hukumat mein laanay ka yehi inaam hai
Ghaflat ki neend mein sonay waalon ka yehi anjaam hai

Kab tak sehtay rahogay yeh khoon kharaaba, yeh bhook pyaas, aur is zulm o sitam ko
Kab tak roktay rahogay bolnay waali ki zabaan ko aur likhnay waalay ka qalam ko?

Usnay toh kayi mehel banaaliye tumhaara khoon bechkar
Baaqion ne apnay apnay soobay banaaliye lakeerein kheinchkar

Par tum ab bhi shia sunni, pathaan mahaajir ki jung mein lagay rehna
Woh sotay rahenge AC mein par tum bina bijli ke raaton ko jagay rehna

Uske bacche toh aiyyashi kartay rahenge London mein
Tum bas aapas mein larh larh ke charhtay rehna Wagon mein

Tumhaare badle ki gaadiaan uski aulaadon ke paas hain
Baaqi unko milgaya joh uskay qareebi aur khaas hain

Tumhein ghum ke ilaava kya diya is shaitaan ne?
Bas bhaiyyon aur bacchon ki laashein di hain is hevaan ne

Phir kyun kahoon ke Bibi zinda hai, jab awaam mar rahi hai?
Awaam ko bachaanay ke liye aaj Bibi ki party kya kar rahi hai?

Tumhein toh zulm ka lutf lenay ki aadat hochuki hai
Aur usko tumhaare badle dollar khaanay ki aadat hochuki hai

Agar jeena hai ab toh kisi ek ko apni aadat badalni hogi
Ya toh tumhein buzdili chorhni hogi ya usko tumhaari daulat waapis ugalni hogi

Bohot sehliya humnay ab aur nahin sehna
Khamoshi se ab is zulm o sitam mein humein nahin rehna

Bohot khail liya inhon ne humaaray khoon se
Bohot likhli humnay apni taqdeer QAAF, PAY aur NOON se

Ab nahin chahiye in shaitaanon ki hukumat
Ab humein sirf hai apni himmat ki zaroorat

Aao himmat karke nikaljaayen gharon se bahar
Aao ek hee saath nikaljaayen apnay daron se bahar

Aao ab milkar apna haq unsay waapis maanglein
Aao haq naa milnay par unki laashein lamp posts par taanglein

Bohot khoon ki holi khel li inhon ne humaare khoon se
Aao ab jamkar holi khelein hum inkay gande khoon se

Ab hum khud hee hukumat karlengay apnay watan mein
Nahin chahiye humein apni siyasat Dubai ya London mein

Nikaaldo inko inkay mehlon se bahar
Nikaaldo inko inki mehngi gaadion se bahar

Ab waqt aagaya hai apnay kal ka faisla karnay ka
Agar marna hee hai toh waqt hai ab unko maarkar marnay ka

Aao doston badaldein ab apni is tadqeer ho
Aao doston badaldein ab is khooni ki tasveer ko

Ab nahin chahiye humein koi Chowdhry, koi Altaf ya koi Nawaz
Ab awaam ke liye humein sirf chahiye AWAAM KI AWAAZ!